جرمنی (راجہ وقاص رضا): ڈاکٹر اورنگزیب جٹھول صدر مسلم لیگ ن بائرن اور تھورنگن نے سابقہ صدر مسلم لیگ ن جرمنی اور میاں نواز شریف صاحب کے ایک فعال کارکن اور ساتھی جناب چوہدری شفیق احمد سے ھیڈلبرگ میں ملاقات کی۔ اس ملاقات میں مسلم لیگ ن کے رہنما ڈاکٹر علی حیدر اور چوہدری شریف ثاقب بھی شامل تھے۔ ملاقات میں ملک کی تازہ ترین صورتِ حال پر تبادلہ خیال کیا گیا اور توشہ خانہ کے عدالتی فیصلے کو سراہا گیا۔ اس کے علاوہ اس ملاقات میں محترم چوہدری شفیق احمد نے پاکستان میں لوڈشیڈنگ کے خاتمے کے لیے اور عوام کی سہولت کے لیے کچھ سستی بجلی بنانے کے پروجیکٹس کا ذکر کیا جن کو لاگو کر کے نہایت ہی سستے داموں سے بجلی تیار کی جا سکتی ہے۔ حاضرین نے مسلم لیگ ن کی مستقبل کی حکومت بننے کے بعد، پہلے کی طرح، عوام کی سہولت کے لیے کام کرنے کے عزم کا اظہار بھی کیا.
