پشاور: پاکستان سپر لیگ کے برانڈ پشاور زلمی کا اگست زلمی فاؤنڈیشن کے تحت خیبر پختونخواہ میں آزادی کپ کے انعقاد کا اعلان، زلمی فاؤنڈیشن کے مقبول پراجیکٹ ہائیر زلمی ہندرڈ پچز پر کھیلنے والے نوجوان کرکٹرز کی اکثریت آزادی کپ میں شریک ہوگی ۔
فرنچائز پشاور زلمی نے زلمی کی فاؤنڈیشن کے تحت اگست میں جشن آزادی کی مناسبت سے خیبرپختونخواہ میں آزادی کپ کے انعقاد کا فیصلہ کیا ہے۔ آزادی کپ میں پورے خیبر پختونخواہ سے مجموعی طور پر ساٹھ ٹیمیں شریک ہوں گی۔ ٹاپ چھ ٹیموں کے درمیان فائنل راؤنڈ میں مقابلے ہوں گے۔ زلمی آزادی کپ کا آغاز سات اگست سے پشاور اور اس کے بعد میچز پورے خیبرپختواہ میں ہونگے۔ فائنل چودہ اگست کو کھیلا جائیگا جس میں پشاور زلمی مینجمنٹ اور کھلاڑی بھی موجود ہوں گے۔
