پاکستان بھر میں جشنِ ولادتِ رسول ﷺ شایان شان طریقے سے منایا گیا. دن کے آغاز پر ملک کے مختلف شہروں میں توپوں کی سلامی دی گئی۔ ملک بھر میں عاشقانِ رسول نے اپنے اپنے انداز میں نبی مہربان حضرت محمد مصطفی صلی اللہ علیہ وآلہ وسلم سے عقیدت کا اظہار کیا۔ تمام دن مختلف شہروں میں میلاد النبیﷺ کے جلوس اور ریلیاں برآمد ہوئیں. یہ ریلیاں اور جلوس مقررہ راستوں پر رواں دواں ہوتے ہوئے مقررہ مقامات پر جا کر اختتام پذیر ہوئے. حکومت کی طرف سے میلاد کے موقع پر سیکیورٹی کے سخت اقدامات کیے گئے تھے. مختلف علاقوں میں موبائل سروس بھی جزوی طور پر معطل رہی۔ جشن ولادت رسول صلی اللہ علیہ وآلہ وسلم کے موقع پر ملک بھر میں گھروں، مساجد، گلی محلوں اور اہم عمارتوں پر چراغاں کیا گیا ہے۔
