اسلام آباد: آئی ایم ایف وفد کا دورہ پاکستان مکمل ، بجٹ مذاکرات جاری رکھنے کا اعلان کیا گیا۔ آئندہ جائزہ اجلاس رواں سال کی دوسری ششماہی میں ہوگا، آئی ایم ایف کے مطابق بجٹ تجاویز، اقتصادی پالیسی اور اصلاحات سے متعلق پاکستان کے ساتھ تعمیری مذاکرات ہوئے، توانائی کے شعبے میں اصلاحات کا جائزہ لیا گیا، بجٹ تجاویز پر بات چیت آئندہ دنوں میں بھی جاری رہے گی۔ آئی ایم ایف اعلامیہ میںسخت مانیٹری پالیسی برقرار رکھنے کو ترجیح قرار دیا گیا اور کہا گیا ہے کہ اقتصادی پائیداری کو بہتر بنایا جائے اور توانائی کے شعبے میں لاگت کم کی جائے، پاکستانی حکام نے مالیاتی استحکام سے متعلق عزم کو دہرایا۔
